ᖃᓄᕐᓕ ᒥᒃᓵᓄᑦ

ᑕᒫᓂ ᐅᑭᐊᒃᓵᕐᒥ, ᓄᓇᖃᖅᑳᖅᓯᒪᔪᑦ ᑕᑯᓐᓇᒐᒃᓴᓕᕆᔨᖏᑦ APTN ᐃᓄᐃᑦ ᐅᖃᐅᓯᖓᓂᒃ ᐊᑐᖅᑐᑎᑦ ᑎᑦᑎᓇᖅᑐᓂᑦ ᓴᖅᑭᔮᖅᑎᑕᐅᑲᑕᑦᑐᑦ ᐅᑎᕆᕗᑦ ᐊᖏᔪᐊᓗᒻᒥᒃ 5−ᖓᓐᓂ ᑕᑯᕋᕐᓈᖅᑕᐅᔪᓐᓇᖅᑐᖏᑦ. ᑎᓴᒪᑦ ᐊᓐᓇᐃᔩᑦ ᓇᖅᑮᔪᑦ ᑎᑦᑎᓇᒻᒪᕆᑦᑐᒥᒃ ᐊᒻᒪᓗ ᐊᔾᔨᐅᙱᒐᓚᑉᐸᑦᑐᑎᑦ ᖃᓄᐃᓐᓂᖏᑦ ᐅᔭᕋᓐᓂᐊᕐᕕᒃ ᓂᐅᕕᕐᕕᖓ ᒪᑐᐃᖅᑐᓂ ᐊᒻᒪᓗ ᐊᓯᐊᓂᒃ ᑕᑯᒃᓴᐅᑎᑦᑎᓪᓗᑎᑦ ᐊᓂᕐᓂᖃᕐᓇᖏᑦᑐᒧᑦ ᐊᐅᓪᓚᖅᓯᒪᙳᐊᖅᑐᑎᑦ! ᕿᓂᖅᑐᑎᓪᓗ ᐊᓯᐅᓯᒪᔪᖅ ᖃᕋᓴᐅᔭᕐᒨᖓᔪᖅ ᐊᑐᖅᑕᐅᔭᕆᐊᓕᒃ ᓇᒻᒥᓂ ᐃᓄᐃᑦ ᑕᑯᓐᓇᕋᒃᓴᓕᐅᕈᓐᓇᖁᓪᓗᒋᑦ ᐊᒥᓱᒻᒪᕆᖕᓂᒃ ᐊᑲᐅᙱᓕᐅᕈᑎᖃᖅᑎᑦᑎᔪᖅ ᐊᒻᒪᓗ ᐱᖃᑎᑖᒃᑲᓐᓂᒻᒪᕆᑦᑐᑎᑦ (ᐊᒻᒪᓗ ᐊᑭᕌᕐᔪᕈᓗᒃᑖᖅᑐᑎᑦ)!

ᑕᑯᕋᕐᓈᑎᑦᑎᔪᑦ

ᐃᓄᒃ ᖃᑉᓗᓈᖅ

ᐃᓄᒃ ᓯᖕᓇᖅᑐᖅᑎᐅᓐᓂᕋᖅᑕᐅᔪᓐᓇᖅᑐᖅ. ᐱᔪᒪᔭᖏᓐᓂᒃ ᑕᐅᑐᖑᐊᑎᐊᖅᓯᒪᐃᓐᓇᖅᑕᖓ. ᐊᔪᕐᓇᒋᖃᑦᑕᖅᑕᖓ, ᓲᖅᑲᐃᒻᒪ, ᓯᖕᓇᖅᑐᖅᑕᖏᓐᓂᒃ ᒪᓕᒋᐊᒃᓴᖅ. ᑭᓱᕈᓘᔭᖕᓂᒃ ᐊᔪᖅᑐᑦ, ᑕᕆᔭᒃᓴᓕᐅᖕᓂᖕᒥᒃ ᐊᓪᓛᑦ, ᐃᖃᓇᐃᔮᖕᒥᓄᒃ ᓄᖃᖅᑎᑕᐅᖏᒋᐊᒃᓴᖅ ᐊᒻᒪ ᓂᕐᔪᑎᓂᒃ ᒪᐃᓂᕆᒋᐊᒃᓴᓪᓗᒃ, ᑭᓯᐊᓂ ᖁᕕᐊᓱᐃᓐᓇᖅᖢᓂ (ᑲᓴ) ᒪᑭᒃᑲᓐᓃᓐᓇᐅᔭᖅᑐ ᐅᒡᒍᑕᒫᑦ.

ᓂᐸᖏ ᕼᐅᐃᑦᑐᖅ

ᐃᓚᖃᖅᑐ ᓴᕆᒪᔪᐊᓗᖕᓂᒃ ᕼᐅᐃᑦᑑᓐᓂ, ᓱᕐᓗ ᕼᐊᓚᐅ ᕼᐅᐃᑦᑐᖅ ᓴᓚᖃᐃᓐᓇᓲᒃ ᐊᒻᒪ ᐊᔾᔨᕈ ᕼᐅᐃᑦᑐᖅ ᐊᔾᔨᕈᓱᐃᑦᑐᖅ. ᐃᓚᖏᓐᓃᖔᓪᓚᑦᑖᖅᑐᖅ, ᖃᐅᔨᒪᔭᐅᑎᐊᒐᒥᒃ ᐱᕙᓪᓕᐊᔪᓂᒃ, SHOW-ᒥ ᐃᖅᑲᓇᐃᔮᒥᓄᑦ, ᐅᐊᑲᓪᓚᐅᓂᖅᐹ ᓄᓇᕗᒻᒥᐅᓯᒪᒐᒥᒃ ᐊᒻᒪ ARCTIC DRAGONS-ᒥ ᐃᖏᖅᑎᐅᒐᒥᒡᓗ. ᐱᐅᓯᒋᐅᔮᒐᓗᐊᖅᖢᓂ ᓯᓚᑖᒍᑦ, ᐃᓄᑦᑎᐊᕙᐅᔪᒐᓗᐊᖅᑐᑦ ᐱᖃᑎᖏᓐᓂ ᐃᑲᔪᐃᓐᓇᖅᐸᒃᖢᓂ.

ᐆ ᐳᑐᒎ

ᐊᒃᓱᕈᒃᖢᓂ ᐃᖃᓇᕿᔭᓲᖅ. ᑭᓱᕈᓘᔭᖕᓂᒃ ᐃᖏᕐᕋᑎᑦᑎᐊᓲᖅ ᖃᓄᐃᖏᑦᑎᐊᖢᓂᒃ. ᐊᖏᔪᓂ ᓇᖕᒥᓂᖁᑎᖕᓂ ᓴᓇᕙᓚᐅᖅᓯᒪᔪᖅ ᑮᓇᐅᔭᓕᐅᔾᔪᐊᑐᐃᓐᓇᒐᓱᒃᑐᓂ, ᑕᓐᓇ ᐃᓗᐊᕆᖏᓐᓇᒥᐅᒃ ᓄᖃᓚᐅᖅᓯᒪᕗᖅ ᐃᓐᓂ-ᑰᒃᑯᓂ ᐃᖃᓇᐃᔮᖓᓕᖅᖢᓂ. ᒪᓐᓇ ᓂᕈᐊᓲᖑᓕᖅᑐ ᐊᖏᖃᑎᒋᑦᑎᐊᖅᑕᖏᓐᓂ ᐊᒻᒪᓗ ᑕᐅᑐᖕᒍᐊᖃᑎᒋᔭᖏᓐᓂ ᐃᖃᓇᐃᔭᖃᑎᖃᖃᖔᓕᖅᑐᖅ. ᒪᕈᓕᐊᖑᔪᖅ ᐱᖓᓱᓕᐊᖑᓪᓗᓂᓗ.

ᐋ ᐳᑐᒎ

ᐃᓱᒪᖕᓇᖕᓇᖏᑐᓂ ᐱᔪᓐᓇᖅᑐᖅ. ᖃᐅᔨᒪᔭᐅᑎᐊᖏᑦᑐᖅᑲ ᐋ ᖃᓄᐃᓕᐅᓕᒑᔭᖓ, ᐋᓂᑐᐊ ᑭᓯᐊᓂ. ᐃᒃᐱᒋᒍᓱᕐᔪᐊᒃᑳᓗᒃ ᐊᒻᒪᓗ ᐃᓱᒪᒥᖕᓄᒃ ᒪᓕᑦᑎᐊᓲᒃ. ᖃᐅᔨᒪᔭᐅᑎᐊᖏᑦᑐᖅ, ᑭᓯᐊᓂ ᐋ ᕼᐊᑭ ᐊᓕᐊᓇᐃᒋᕐᔪᐊᖅᑕᖓ ᐊᒻᒪᓗ ᖃᐅᔨᒪᔭᐅᕈᔪᖅᑐ ᐊᒥᖕᒪ ᒪᒪᕆᖅᔪᐊᖅᑕᖓ. ᐋ ᑖᖅᑐᒥᒃ ᑭᖑᓪᓕᓕᒃ ᑭᓯᐊᓂ ᐊᖅᓱᕈᓲᖅ ᕿᒪᓯᒪᐃᓐᓇᒋᐊᒃᓴᖅ. ᐆᑦᑐᑦ, ᒪᕈᓕᐊᖑᔪᖅ ᐱᖓᓱᓕᐊᖑᓪᓗᓂᓗ.

ᓂᕆᓱᕋᖅᑎ (ᓂᐅ ᓱᕋᖅᑎ)

ᓂᐅ ᓱᕋᖅᑎ ᐱᖓᔪᐊᒋᔭᐅᔪᖅ, ᐃᔅᑯᐊᔫ, ᐃᓱᓕᑦᓯᓯᒪᕗᖅ ᐊᔾᔨᓕᐅᓂᖕᒥᒃ ᐊᒻᒪᓗ ᐃᓄᖑᐊᓕᐅᓂᖕᒥᒃ ᓯᓚᑐᖅᓴᕐᕕᖕᒥᒃ. ᐊᑕᐅᓯᐊᖅᖢᓂ ᐊᐅᔭᓗᒃᑖᖅ ᐅᓇᖅᔪᐊᖅᑐᒦᓚᐅᖅ ᐃᐅᕆᓲᓇ (ᐊᒥᐊᓕᑲᒥ) ᓂᒡᓚᓚᐅᖏᓐᓇᖅᓗᓂ, ᓂᕆᓱᕋᕌᖓ ᑭᓯᐊᓂ. ᐃᓪᓕᑖᓵᓚᐅᖅᑐᖅ. ᓂᐅ ᓂᐱᑭᒡᒍᔪᖅ ᐊᒻᒪᓗ ᓇᖕᒥᓂᑐᐊᓲ ᑭᓯᐊᓂ ᐃᑲᔪᒍᓐᓇᐃᓇᐅᔭᒍᓐᓇᖅᑐᖅ ᐱᖃᑎᖏᓐᓂᒃ.

ᐋᖅᑭᒃᓱᐃᔩᑦ

ᐋᖅᑭᒃᓱᐃᔩᑦ/ ᓴᓇᔩᑦ/ᓴᓇᔩᑦ/ᑎᑎᕋᖅᑏᑦ/ᑐᑭᒧᐊᑦᑎᑦᑎᔩᑦ

ᑖᒪᔅ ᐊᖑᑎ ᔮᓐᔅᑕᓐ, ᔮᓱᐊ ᖃᐅᒻᒪᕆᐊᖅ, ᕕᓂ ᖃᕆᑕᖅ & ᔅᑕᐃᓯ ᐊᒡᓗᖅ ᒪᒃᑖᓄᓪᑦ

ᖃᓄᕐᓕ ᐃᖅᑲᓇᐃᔭᖅᑎᖏᑦ ᐃᓄᐃᓐᓇᐃᑦ ᐃᖃᓗᓐᓃᑦᑐᑎᑦ, ᓄᓇᕗᒻᒥ.  ᑲᑐᔾᔨᓪᓗᑎᑦ ᑎᑎᕋᓲᑦ ᓴᖅᑭᑎᑦᑎᓲᑦ, ᑐᑭᒧᐊᑦᑎᑎᓪᓗᑎᑦ ᐊᒻᒪᓗ ᓇᑲᑎᕆᕙᒃᑐᑎᑦ ᖃᓄᕐᓕ ᑕᑯᓐᓇᒐᒃᓴᓕᐊᕆᔭᐅᔪᓂᑦ.  ᐱᓕᕆᔩᑦ ᓴᓇᖃᑦᑕᖅᓯᒪᔪᑦ ᑕᕝᕙᓴᐃᓐᓇᑯᓗᒃ ᑎᑎᕋᖅᓯᒪᔪᖃᙱᑦᑐᓂᑦ ᑕᑯᕋᕐᓈᑎᑦᑎᔪᑦ ᐊᒻᒪᓗ ᑕᕐᕆᔮᒃᓴᓕᐅᕐᓂᕐᒧᑦ ᐃᓕᓐᓂᐊᑎᑦᑎᓯᒪᖃᑦᑕᖅᑐᑎᑦ ᒪᒃᑯᑦᑐᓄᑦ, ᐃᕐᖐᓐᓇᖅ ᑕᑯᒃᓴᐅᑲᐅᑎᒋᔪᒃᑯᑦ ᐱᕙᓪᓕᐊᔪᓕᕆᓪᓗᑎᑦ ᐊᒻᒪᓗ ᓄᓇᕗᒻᒥ ᐊᐅᓪᓚᖃᑦᑕᕐᓗᓂ ᑕᑯᕋᕐᓈᕋᒃᓴᓕᐅᖅᓯᒪᓪᓗᑎᑦ. 

ᓄᓇᕗᒻᒥ ᓴᓇᙳᐊᖅᑐᓕᕆᓂᕐᒧᑦ ᑕᑯᕋᕐᓈᖅᑐᓕᕆᓂᕐᒧᓪᓗ ᓇᒻᒥᓂᖁᑎᖃᕐᓂᒧᓪᓗ ᐃᓂᓯᒪᑦᑎᐊᖅᑐᑦ ᐊᒻᒪᓗ ᐃᖅᑲᓇᐃᔭᖃᑎᖃᖃᑦᑕᖅᓯᒪᓪᓗᑎᑦ ᐊᕐᒃᓲᒃ, ᒪᕼᐊᕼᐊ ᒥᑕᑦᑎᖏᑦ, ᐊᒃᖤᒃ ᑕᑯᓐᓇᕋᔭᒃᓴᓕᕆᓂᕐᒧᑦ ᐃᓕᓐᓂᐊᑎᑦᑎᔪᑦ ᒪᒃᑯᑦᑐᓂᑦ ᐊᒻᒪᓗ ᐊᔾᔨᒌᙱᑦᑐᓂᑦ ᓄᓇᓕᓐᓂ ᖃᓄᐃᓕᐅᖅᑐᖃᖅᑎᓪᓗᒍ ᐃᓚᐅᖃᑕᐅᓲᖑᓪᓗᑎᑦ.

ᖃᓄᑭᐊᖅ ᑕᑯᓐᓇᕋᒃᓴᓕᐅᖅᑏᑦ 100% ᐃᓄᓐᓄᑦ ᓇᒻᒥᓂᖁᑎᒋᔭᐅᔪᖅ ᑕᓚᕖᓴᒃᑰᓲᑦ, ᑕᕐᕆᔮᒃᓴᓕᐅᖅᑎᐅᓪᓗᑎᑦ ᖃᕋᓴᐅᔭᒃᑯᓪᓗ ᑲᒻᐸᓂᐅᔪᖅ ᐃᖃᓗᓐᓃᑦᑐᖅ, ᓄᓇᕗᑦ.  ᐃᕐᖐᓐᓇᖅ ᑕᑯᒃᓴᐅᑎᑦᑎᓲᑦ ᒥᑕᑉᐸᑦᑐᑎᑦ ᐊᒻᒪᓗ ᑕᕐᕆᔮᒃᓴᓕᐅᖅᑎᐅᓪᓗᑎᑦ ᑕᓚᕖᓴᒃᑰᖅᑐᒃᓴᓂᑦ ᐊᒻᒪᓗ ᐅᓂᒃᑳᓕᐅᓲᖑᓪᓗᑎᑦ.  ᑕᓚᕖᓴᒃᑰᖅᑐᒃᓴᐃᑦ ᓯᕗᓪᓕᐅᔾᔭᐅᓲᖑᔪᑦ ᖃᓄᑭᐊᖅ ᑕᑯᓐᓇᕋᒃᓴᓕᕆᔨᒃᑯᓐᓄᑦ ᐱᕕᖃᕐᓂᖅᓴᐅᑎᑦᑏᓐᓇᓲᖑᒻᒪᑦ ᑕᑯᓐᓇᕋᒃᓴᓕᕆᕙᑦᑐᓂᑦ ᐱᓕᒻᒪᓴᖅᑎᑕᐅᓪᓗᑎᑦ ᐊᒻᒪᓗ ᖃᓄᖅᑑᖅᐸᓪᓕᐊᓲᖑᓪᓗᑎᑦ ᑕᕐᕆᔮᒃᓴᓕᕆᕙᑦᑐᓂᑦ ᓄᓇᕗᒻᒥ ᐊᒻᒪᓗᑦᑕᐅᖅ ᐅᓂᒃᑳᖅᑐᐊᕐᕕᐅᔪᓐᓇᓲᖑᓪᓗᓂ.

ᕖᓴᕗᑉ ᑕᑯᓐᓇᒐᒃᓴᓕᕆᔩᑦ ᐃᖅᑲᓇᐃᔭᖅᑎᖏᑦ ᐱᓕᕆᐊᖃᓲᑦ ᐊᖅᑭᒃᓱᐃᓪᓗᑎᑦ ᐊᒻᒪᓗ ᐊᓯᖏᓐᓂᑦ ᐱᔪᓐᓇᐅᑎᖃᐅᖅᑐᓂᑦ ᑲᓱᖅᑎᑦᑎᓲᖑᔪᑦ ᐱᓕᕆᕝᕕᐅᔪᓄᑦ, ᑮᓇᐅᔭᓕᕆᓂᕐᒥᒃ, ᐊᐅᓚᑦᑎᓂᕐᒥᒃ ᐊᒻᒪᓗ ᑕᑯᓐᓇᒐᒃᓴᓂᑦ ᐱᐅᔪᒻᒪᕆᖕᓂᒃ ᑕᑯᕋᕐᓈᖅᑎᑦᑎᓲᖑᓪᓗᑎᑦ.  ᐱᔨᑦᑎᕋᖅᑕᕗᑦ ᓴᓇᔨᑦᑎᐊᕙᐅᕗᑦ ᐃᖅᑲᓇᐃᔭᓲᑦ ᓲᕐᓗᒃ ᐃᓅᓯᕆᔭᐅᔪᑦ ᐆᒪᔪᓪᓘᓐᓃᑦ ᑕᕐᕆᔮᒃᓴᓕᐅᖅᑕᐅᓪᓗᑎᑦ ᐊᒻᒪᓗ ᐃᓄᐃᑦ ᐃᓅᓯᖏᑦ ᖃᓄᐃᑦᑐᙳᐊᖑᑎᑕᐅᓪᓗᑎᑦ ᑕᑯᒃᓴᐅᑎᑕᐅᓲᑦ ᐊᒻᒪᓗ ᖃᕋᓴᐅᔭᒃᑯᑎᒎᖅᑐᓂᑦ ᐊᒻᒪᓗ ᖃᕋᓴᐅᔭᒃᑯᑦ ᐊᑐᕋᒃᓴᐅᒐᔭᖅᑐᓂᑦ ᐋᖅᑭᒃᓱᐃᓲᖑᓪᓗᑎᑦ.  ᐃᑲᔪᖅᑐᓲᕆᔭᕗᑦ ᐱᔨᑦᑎᖅᑕᑦᑕ ᐱᓕᕆᐊᖏᑦ ᖃᐅᔨᒪᓂᑦᑎᒍᑦ ᑕᑯᕋᕐᓈᖅᑕᐅᔭᕆᐊᓕᖕᓂᒃ, ᐃᖅᑲᓇᐃᔭᖃᑎᖃᓲᖑᓂᑦᑎᓐᓂᓗ ᐊᒻᒪᓗ ᐊᐅᓚᓂᖃᑦᑎᐊᖅᑎᑦᑎᓲᖑᓂᑦᑎᓐᓂᑦ ᐊᒻᒪᓗ ᑕᒪᐃᓐᓂᓕᒫᖅ ᐱᔭᕆᐊᓕᑦᑎᓐᓂᑦ ᑲᒪᑦᑎᐊᕈᓐᓇᓲᖑᓂᑦᑎᓐᓂᑦ.